Regularo pri monsubteno al la suborganizoj

1. "Lokaj Grupoj" kaj "Landaj Ligoj" de GEJ rajtas ĉiujare peti subvencion en alteco de 20 procentoj el la kotizoj de siaj GEJ-membroj* por lokaj aktivecoj.

Por ricevi ĝin sufiĉas sendi la koncernajn kvitancojn pri elpezoj al la GEJ-kasisito (aldonante kontonumeron de la grupo).

*Validas la membronombro fine de la antaŭa jaro.

2. Por specialaj kampanjoj eblas peti plian subvencion.

3. "Loka Grupo" aŭ "Landa Ligo" laŭ la supra regulo estas la oficiale akceptitaj suborganizoj de Germana Esperanto-Junularo.

La supra rajto je monsubteno estas konsiderinda kiel vivobazo por niaj "Lokaj Grupoj" kaj "Landaj Ligoj". Aktivaj grupoj povas kompreneble ekhavi pliajn financojn por siaj grupokasoj per:

Modestaj profitoj el semajnfinaj renkontiĝetoj
Mostestaj profitoj el lingvokursoj: la popolaltlernejo bone pagas!
Subvencioj de Stadtjugendring aŭ Städtisches Jugendamt
Eventualaj rektaj donacoj de siaj membroj aŭ subtenantoj al la grupokaso